दीर्घकालीन महत्वका निर्णय नगर्न प्रचण्डलाई एमालेको आग्रह

काठमाडौँ । अल्पमतमा परेका प्रधानमन्त्री पुष्पकमल दाहाल प्रचण्डलाई दीर्घकालीन महत्वको निर्णय नगर्न नेकपा एमालेले आग्रह गरेको छ ।

केपी शर्मा ओलीले आफ्नो नेतृत्वमा सरकार गठन गर्ने भन्दै प्रचण्ड नेतृत्वको सरकारमा सहभागि एमालेका मन्त्रीलाई फिर्ता बोलाएर बुधबार समर्थन फिर्ता लिएका थिए ।

बिहीबार दिउँसो महासचिव शंकर पोखरेलले विज्ञप्ति जारी गरी अल्पमतमा परिसकेको अवस्थामा दीर्घकालिन महत्वको काम नगर्न आग्रह गरेका हुन् ।

कांग्रेस र एमाले नयाँ सरकार गठनका लागि सहमत भइसकेकाले प्रधानमन्त्री प्रचण्डले विश्वासको मत पाउने अवस्था पनि नरहेको एमालेले उल्लेख गरेको छ ।

‘अल्पमतमा परेको सरकारबाट दीर्घकालीन असर पर्ने कुनै पनि काम नगर्न रनगराउन एमाले सम्माननीय प्रधानमन्त्री पुष्पकमल दाहाल प्रचण्डको ध्यानाकर्षण गर्दछ’, महासचिव पोखरेलले विज्ञप्तिमा भनेका छन् ।