महिनावारीकाे समयमा छालामा निलो दाग किन देखिन्छ ?

विराटनगर । महिनावारी हुँदा महिलामा पेट दुख्नु, कमजोर महसुस हुनु र मुड स्विङ हुने सामान्य समस्या हुन् । तर कहिलेकाही महिनावारीको समयमा महिलाको शरीरमा निलो दाग पनि देखिन्छ । महिनावारीको बेलामा सामान्य चोटपटक लाग्दा निलो दाग देखिने गर्छ । सामान्यतया पाखुरा, खुट्टा र शरीरका अन्य भागमा निलो दाग देखिन्छ ।

महिनावारीको समयमा महिलाहरुमा हर्मोनले उतारचढाव हुन्छ । हर्माेन समस्याले महिलाहरूलाई राती सुत्दा ऐंठन हुने , हातखुट्टा सुन्निने, मुड स्विङ हुनसक्छ । छाला संवेदनशील हुन्छन् । छालाभित्रका साना रक्तनलीमा क्षति पुग्दा छालामा दाग अर्थात् निलो दाग देखिन सक्छ ।

छालामा निलो दाग देखिने सक्ने अरु कारण पनि छन् । ति कारण निम्न हुन् ।
गर्भनिरोधक चक्की

गर्भनिरोधक चक्कीको प्रयोग गर्दा शरीरमा क्लोटिङ अर्थात् रगत ढिक्का हुन थाल्छ । यसका कारण रक्तनलीको समूहमा यसको प्रभाव देखिन थाल्छ र निलो दाग आउन सक्छ ।
एनिमिया (रगतको कमी)

शरीरमा स्वस्थ रातो रक्तकोषिकाहरुको कमीले तन्तुहरूमा अक्सिजन पुग्दैन । जसकारण धेरै महिलालाई अत्याधिक रक्तस्राव हुनसक्छ । यसले गर्दा दागको समस्या बढ्छ । अक्सिजनको कमीले रक्तकोषिकाहरु कमजोर हुन्छ र छालामा निलो दाग देखिन थाल्छ ।

भिटामिन

शरीरमा भिटामिन सीले रक्तनलीहरुको अखण्डता कायम राख्छ । भिटामिन केको मात्रा अत्याधिक रक्तस्राव रोक्न सक्छ । अनियमित आहारका कारण हुने पोषणको कमीले दागको समस्या बढाउँछ ।

तनाव पनि

तनाव हुँदा पनि शारीरिक क्रियाकलापमा यसको प्रभाव देखिन्छ ।

स्वस्थ जीवनशैली र सन्तुलन खाना खान सकेमा शरीरमा दाग नआउन सक्छ । यसबाहेक नियमित व्यायामले रक्तनलीलाई बलियो बनाएर शरीरमा नियमित रक्तसञ्चार कायम राख्न मद्दत गर्छ । साथै रगतमा अक्सिजनको प्रवाह पनि उच्च रहन्छ, जसले रक्तनलीलाई बलियो बनाउन मद्दत गर्छ । आहारमा सन्तुलन कायम राख्न क्याल्सियम र प्रोटिन बाहेक भिटामिन र मिनरल्स पनि खानुपर्छ । महिनावारीको बेलामा अत्याधिक रक्तस्रावबाट बच्न भिटामिन केको सेवन गर्न सकिन्छ । यसबाहेक भिटामिन सीले रक्तनलीको समूह कायम राख्छ । दैनिक बारम्बार कफी र चिया पिउनाले शरीरमा हानि पुर्‍याउन सक्छ । यसबाहेक नियमित मदिरा र धुम्रपानले पनि रक्तनलीमा असर गर्छ ।

शरीरलाई सन्तुलित राख्न समयमै सुत्नु र उठ्नु अति आवश्यक हुन्छ । यसका लागि निद्राको ढाँचा अपनाउनुपर्छ, जसले शरीर चक्रमा हर्मोनल सन्तुलन कायम राख्छ र महिनावारीअघि शरीरमा कुनै पनि निलो दागहरू देखिने छैनन् ।