अन्तरिम सरकारका तीन मन्त्रीले दिए राजीनामा

काठमाडौं । अन्तरिम सरकारका तीन मन्त्रीले राजीनामा दिएका छन् ।सञ्चार, सूचना तथा प्रविधिमन्त्री जगदीश खरेल,ऊर्जामन्त्री रहेका कुलमान घिसिङ र खेलकुदमन्त्री बब्लु गुप्ताले राजीनामा दिएका हुन् ।

राष्ट्रिय स्वन्तत्र पार्टी (रास्वपा)बाट उम्मेदवार बन्ने भएपछि सञ्चार, सूचना तथा प्रविधिमन्त्री खरेलले राजीनामा दिएका छन् । उनले प्रधानमन्त्री सुशीला कार्कीलाई भेटेर पदबाट राजीनामा दिएका हुन् । उनलाई रास्वपाले ललितपुर-२ बाट उम्मेदवार बनाउँदैछ ।

यसअघि ऊर्जामन्त्री रहेका घिसिङ र खेलकुदमन्त्री गुप्ताले पदबाट राजीनामा दिएका थिए । घिसिङले आफ्नै नेतृत्वमा उज्यालो नेपाल पार्टी गठन गरेर चुनावी तयारीमा छन् । गुप्ता रास्वपाबाटै चुनाव लड्ने तयारीमा छन् ।